AQSh ıadrolyq arsenaly týraly málimetterdi jarııa etti
ASTANA. Mamyrdyń 4-i. QazAqparat - AQSh Qorǵanys mınıstrligi óz qolyndaǵy ıadrolyq arsenaldyń sany týraly osy ýaqytqa deıin qupııa bolyp kelgen derekti jarııa etti. Málim bolǵandaı, amerıkan armııasynyń qaraýynda 5 myń 113 ıadrolyq oqtumsyq bar eken.
El úkimeti ıadrolyq qarý-jaraqtyń qory týraly derekterdi baspasóz úshin alǵash ret jarııa etip otyr - bul málimet buǵan deıin asa qupııa derek bolyp kelgen, dep habarlady RBK agenttigi.
Agenttiktiń Pentagondaǵy anonımdi derek kóziniń málimeti boıynsha, 1989 jylmen salystyrǵanda AQSh-tyń ıadrolyq qory 75 paıyzǵa qysqarǵan.
Qorǵanys mınıstrliginiń bul deregi, memlekettik hatshy Hılları Klıntonnyń Vashıngtonnyń ıadrolyq qarý-jaraqtyń qory týraly derekterdi jáne 1991 jyldan beri el ókimetiniń qansha ıadrolyq oqtumsyqty joıǵany jaıly málimetti jarııa etý týraly sheshim qabyldaǵany týraly málimdemesinen keıin jarııalanyp otyr.
«Bul, qarýsyzdaný týraly kelisimniń sharttaryn AQSh-tyń oryndap jatqanyna kúmán keltirgenderge berilgen jaýap», - dep málim etti memlekettik departamenttiń basshysy BUU rezıdentsııasynda ótken ıAdrolyq qarý-jaraqty taratpaý týraly kelisimshartqa qatysýshylardyń konferentsııasynyń barysynda.
AQSh-tyń ıadrolyq arsenaly týraly málimetter 1961 jyldan beri alǵash ret jarııa etilip otyr.
Esterińizge sala keteıik, ótken aıda, sáýirdiń 8-inde Reseı men AQSh prezıdentteri strategııalyq shabýyldaýshy qarý-jaraqtar týraly jańa kelisimshartqa otyrǵan bolatyn. Ol qujatqa sáıkes, AQSh pen Reseı ıadrolyq oqtumsyqtardyń jalpy sanyn 1550 birlikke deıin jetkizedi, al tasymaldaýshy zymyrandardyń sany 800-den aspaıtyn boldy.
