AQSh vs Qytaı: Tehnologııalyq teketireste kim jeńedi - BAQ
NUR-SULTAN. QazAqparat - Qytaı 5G salasynda kósh bastap tur, degenmen ázirge AQSh-tyń birneshe salada basymdyǵy bar. Geosaıası ústemdik tehnologııalardaǵy progreske baılanysty bolyp turǵan qazirgi zamanda AQSh alda kele jatyr. Amerıkalyq kompanııalar álemdegi eń jyldam kompıýterlerdi jasaıdy, eń qabiletti robottardy shyǵarady, dep habarlaıdy QazAqparat The Wall Street Journal silteme jasap.
«Qytaıdyń damýshy ekonomıkasy álemde ekinshi orynda tur. Al tehnologııaǵa salynyp jatqan memlekettik ınvestıtsııalar AQSh-tyń múmkindikterin artqa tastaýda. Qytaıdyń jetstikteri úshin Tramp bul memleketpen ekonomıkalyq jáne saýda soǵysyn bastady. Koronavırýs pandemııasy bul soǵysty qalaı ózgertetini ázirge belgisiz. Degenmen, álemdik indet eki memleket arasyndaǵy básekeni álsiretken joq», - dep jazady basylym.
Avtordyń jazýyna qaraǵanda, eki memlekettiń básekesi eń aldymen 5G tehnologııasyna baılanysty bolyp tur. AQSh pen Qytaı arasyndaǵy tehnologııalyq kúres qalaı ótip jatyr?
«Bas prokýror Ýılıam Barr aqpan aıynda AQSh-tyń 5G salasy qandaı deńgeıde ekenin aıtyp, Vashıngtonǵa «Hýaveı» «Nokıa» jáne «Erıkson» kompanııalaryna qarjylyq qyzyǵýshylyq týǵyzý kerek ekenin jetkizdi. Degenmen, Aq úı bul kompanııalardy satyp alýdan bas tartty. Al Barrdyń aıtýynsha, Amerıkada Hýaveıge teń keletin kompanııa joq», - dep jazady avtor.
Onyń aıtýynsha, 5G salasynda Qytaı alda kele jatyr.
