AQSh vızasyn alǵysy keletinder áleýmettik jelileri týraly aqparat beretin bolady
NUR-SULTAN. QazAqparat - Juma kúninen bastap Tramp ákimshiligi AQSh-ta vıza alýǵa ótinish berýshilerden áleýmettik jelileri týraly aqparat talap etetin jańa saıasat engizdi. Bul týraly AQSh Memlekettik departamentiniń ókili málimdedi, dep habarlaıdy QazAqparat tilshisi The Hil-ge silteme jasap.
Jańa talap boıynsha, vıza alýǵa ótinish berýshilerdiń kópshiligi, onyń ishinde elge ýaqytsha kelgender mázirde áleýmettik jelilerdegi sáıkestendirý derekterin, sondaı-aq ózge de saýalnamalyq derekterdi kórsetýi tıis.
Eger vızaǵa úmitkerler áleýmettik jelide tirkelmegen bolsa, solaı dep kórsete alady. AQSh ókili ótinish ıesi áleýmettik jeli týraly jalǵan aqparat beretin bolsa, onysy «keri saldarǵa» soqtyrýy múmkin ekenin eskertti.
Ázirshe mázirde áleýmettik jelilerdiń negizgi saıttary ǵana kórsetilgen. Biraq AQSh memlekettik departament ókili ótinish berýshilerdiń ózderi paıdalanatyn barlyq saıttardy kórsete alatynyn habarlady.
«Bul AQSh-qa kirýge ruqsat alýǵa tyrysatyn shetel azamattaryna muqııat tekserý ornatýdaǵy strategııalyq mańyzdy qadam. Ásirese AQSh-qa lańkesterdiń, qoǵamdyq qaýipsizdikke qaýip tóndiretin adamdardyń jáne basqa da qaýipti adamdardyń kirýine jol bermeý úshin mańyzdy qural bolmaq», - dedi AQSh ókili.
Amerıka áleýmettik jeliler týraly sáıkestendirý derekterin ómirbaıandyq derekter bazasyna engizgeli otyr. ıAǵnı, ol derekter únemi AQSh úkimeti qalyptastyrǵan izdeýdegiler tizimderimen sáıkestendirilip otyrady degen sóz. Buǵan qosa, vızaǵa úmitkerler óz saparlary týraly tolyq aqparat berýge mindetti bolady.
Bul sheshimdi AQSh prezıdenti Donald Tramp 2017 jyldyń naýryz aıynda qol qoıǵan Jarlyqtyń nátıjesi dep ataýǵa bolady.
Memlekettik departament vıza berý tártibine jańa talaptar engizetinin 2018 jyldyń naýryz aıynda resmı túrde jarııalaǵan bolatyn.
Prezıdent Donald Tramptyń jańa Jarlyǵy «Ultty sheteldik terrorısterdiń AQSh jerine kirýinen qorǵaý» dep ataldy.
