AQSh vıza suraǵan azamattardyń áleýmettik jelilerdegi akkaýnttaryn tekseretin bolady
ASTANA. QazAqparat - AQSh-tyń vızalyq ofıtserleri Qurama Shtattarǵa kirý úshin túsken ótinimderdi qaraý barysynda olardyń ıeleriniń áleýmettik jelilerdegi akkaýnttaryn tekseretin bolady.
Bul týraly baspasóz máslıhatynda AQSh Іshki qaýipsizdik mınıstri Djon Kellı málim etti.
«Vızalarǵa ótinimderdi óńdeý barysynda áleýmettik jelilerdi tekserý iske asyrylady», - dep keltirdi mınıstrdiń sózin «RIA Novostı» agenttigi.
Aıta keteıik, Tramp 27 qańtar kúni grın-kartalardy ıelenýshilerge - Iran, Irak, Iemen, Lıvııa, Sırııa, Somalı jáne Sýdan azamattaryna AQSh aýmaǵyna tyıym salatyn jarlyqqa qol qoıdy. Onymen qosa, 120 kún merzimge sırııalyq bosqyndardy qabyldaý toqtatyldy. Qol qoıylǵan qujatta atap ótilgendeı, sırııalyq mıgranttardyń kelýi AQSh múddelerine zalal keltirýde.
AQSh prezıdenti óz sheshimine qatysty pikir bildire kele, bul shara musylmandarǵa qarsy emes, lańkesterge qarsy baǵyttalǵandyǵyn túsindirip ótti. Onyń sózinshe, barlyq elder azamattaryna vızalardy berý 90 kún ishinde qaýipsizdik saıasatynda qosymsha sharalar qabyldanǵan sátte qaıta jandandyrylatyn bolady.
Dúısenbi kúni talaptar Amerıkaǵa kirýge vıza suraıtyn taǵy birqatar elder úshin de ózgerdi, olardyń arasynda Reseı de bar.
