AQSh vıza berý tártibin qaıta qaraýy múmkin

NUR-SULTAN. QazAqparat – AQSh-tyń Memlekettik hatshysy Maıkl Pompeo ártúrli elderdiń BAQ ókilderi qatysqan telefon arqyly brıfıng ótkizdi, dep habarlaıdy QazAqparat.

Brıfıng barysynda «Habar 24» arnasynyń tilshisi AQSh Memlekettik hatshysyna «koronavırýs indetinen keıin amerıkalyq vıza alý erejesi ózgere me?» dep saýal qoıǵan edi. Aıta keterligi, qazirdiń ózinde Eýropa elderi shengen vızasyna ótinim berýshilerden koronavırýsqa test tapsyrǵandyǵy týraly anyqtama talap etý máselesin talqylap jatyr. Maıkl Pompeo da indetten keıin AQSh elge kelý erejesine qaıta qaraýy múmkin ekendigin aıtty.

«Shekara ashylyp, qalypty ómir arnasyna túskennen keıin barlyq memleketter óz azamattarynyń qaýipsizdigine kepildik berý úshin kelý jáne ketýdiń qoldanystaǵy sharttaryn qaıta qaraýǵa týra keledi», - dedi ol.