AQSh vıtse-prezıdenti Eýrokomıssııa prezıdentimen kezdesti

ASTANA. KAZINFORM – Parıjde Eýropalyq komıssııa basshysy Ýrsýla fon der Lıaıen men Eýroodaqtyń syrtqy ister jáne qaýipsizdik saıasaty jónindegi Joǵarǵy ókili Kaıa Kallas AQSh-tyń jańa vıtse-prezıdenti Djeı.Dı Venspen kezdesti, dep habarlaıdy Kazinform-nyń menshikti tilshisi.

AQSh pen Eýroodaq basshylary buǵan deıin Frantsııa astanasynda ótip jatqan Jasandy ıntellekt sammıtine qatysqan bolatyn. 

Eýropalyq komıssııa tóraıymy Ýrsýla fon der Lıaıenniń málimdeýinshe, AQSh vıtse-prezıdenti Djeı Dı Venspen arada «odaqtastar retinde ortaq qıyndyqtar týraly» jaqsy pikirtalas ótti. 

Bul kezdesý jaqynda álemniń qalǵan bóligi úshin bolat pen alıýmınıı ımportyna 25 paıyzdyq baj salyǵyn jarııalaǵan Donald Tramp saılanǵannan keıingi EO men AQSh joǵary laýazymdy tulǵalary arasyndaǵy alǵashqy kezdesý boldy. 

Ý.Lıaıen Djeı Dı Vensti Brıýssel D.Tramp tarıfterine qarsy soqqy beredi dep ýáde bergennen keıin birneshe saǵat ótken soń odaqtasy dep atady.

Ol sonymen qatar jahandyq bolat óndirýmen kúresý úshin, negizinen Qytaıdan keletin yntymaqtastyq týraly aıtty, dep jazdy Politico basylymy.

Eýropalyq dıplomatııanyń basshysy K.Kallas ta AQSh vıtse-prezıdentimen kezdesýdiń jaqsy ótkenin atap ótti. 

- Biz álemdegi negizgi máseleler boıynsha jumysty talqyladyq. Bizdiń qarsylastarymyz óz áreketterin úılestirip jatqanda, biz de solaı isteýimiz kerek, - dep jazdy K.Kallas áleýmettik jelide.