AQSh vıtse-prezıdenti aqpan aıynda Armenııa men Ázerbaıjanǵa resmı saparmen barady

ASTANA. KAZINFORM – AQSh vıtse-prezıdenti Dj.D.Vens aqpan aıynda Armenııa men Ázerbaıjanǵa resmı saparmen barýdy josparlap otyr. Bul týraly AQSh-tyń burynǵy prezıdenti Donald Tramp TruthSocial áleýmettik jelisindegi jazbasynda málimdedi, dep habarlaıdy Kazinform.

Tramp óz habarlamasynda Ázerbaıjan prezıdenti Ilham Álıev pen Armenııa premer-mınıstri Nıkol Pashınıanǵa ótken tamyzda qol qoıylǵan Beıbitshilik kelisimin oryndaǵany úshin alǵysyn jetkizgen. Ol bul kelisimdi surapyl soǵysty toqtatqan mańyzdy qadam dep atap ótti. 

– Biz Ázerbaıjanmen strategııalyq seriktestikti nyǵaıtatyn bolamyz, Armenııamen beıbit ıadrolyq yntymaqtastyq týraly kelisim jasasamyz. Amerıkalyq jartylaı ótkizgish óndirýshilerdiń múddesi úshin kelissózder júrgizemiz. Sondaı-aq Ázirbaıjanǵa amerıkalyq qorǵanys ónimderin, onyń ishinde brondy tehnıka, qaıyqtar jáne basqa da jabdyqtar jetkizý máseleleri de qarastyrylyp jatyr, - delingen habarlamada. 

Eske sala keteıik, buǵan deıin Reseı prezıdenti Vladımır Pýtınmen kelissózder ótkizý úshin AQSh prezıdentiniń arnaıy ókili Stıv Ýıtkoff Máskeýge kelgenin habarlaǵanbyz.