AQSh vıtse-prezıdentiniń ushaǵy quspen «soqtyǵyp» qaldy
ASTANA. 21 sáýir. QazAqparat - AQSh-tyń vıtse-prızıdenti Djozef Baıden ushatyn «Bort №2» Santa-Barbaranyń áýejaıyna qoný kezinde bir top quspen soqtyǵysty, dep habarlady RosBıznesKonsaltıng Bı-Bı-Sı-ge silteme jasaı otyryp.
Ushqysh áýe kemesin jerge qondyrdy. Abyroı bolǵanda, vıtse-prezıdent pen ony janynda júrgen ákimshiliktiń qyzmetkerleri zardap shekpedi.
Alaıda «bort №2» ushaǵyna qanshalyqty zaqym keltirilgeni belgisiz. Degenmen qaýipsizdik maqsatynda Dj.Baıden Vashıngtonǵa basqa ushaqpen ushyp ketti.
AQSh-tyń vıtse-prızıdentiDjozef Baıdenniń ushaǵymen bolyp turǵan bul oqıǵa birinshi emes. 2010 jyly Nıý-Iork shtatynda jerge qonar kezde onyń ushaǵynyń borty jeńilmotorly ushaqpen soqtyǵysqan bolatyn. Tótenshe jaǵdaıdyń oryn alýyna qaramastan, onda da eshkim zardap shekpedi.
Aıta keteıik, vıtse-prezıdenttiń kólik korteji birneshe ret jol-kólik apatyna tap bolǵan. Birinshi ret onyń korteji basqa kólikke soǵylǵan, al ekinshi ret Dj.Baıdenniń brondalǵan lımýzıni kólikpen soqtyǵysyp, bir adam kóz jumǵan bolatyn.
