AQSh Venesýelanyń munaı tasymaldaıtyn 6 kompanııasyna sanktsııa saldy

ASTANA. KAZINFORM — AQSh Venesýela prezıdenti Nıkolas Madýronyń áıeli jaǵynan úsh týysyna, onymen baılanysy bar bir bıznesmenge jáne Ońtústik Amerıkadan munaı tasymaldaıtyn alty kompanııaǵa jańa sanktsııalar saldy, dep jazady Sınhýa.

Bul týraly beısenbi kúni AQSh Qarjy mınıstrligi habarlady.

— Nıkolas Madýro men onyń qylmystyq sybaılastary Venesýelada AQSh aýmaǵyn amerıkalyq halyqty ýlaıtyn esirtkimen toltyryp jatyr, — dep málimdedi AQSh qarjy mınıstri Skott Bessent.

Bir kún buryn Pentagon Venesýela jaǵalaýynda munaı tankerin basyp alǵan bolatyn.

Aıta keteıik, AQSh prezıdenti Donald Tramptyń ákimshiligi birneshe aıdan beri N. Madýroǵa qysym kórsetip, ony zańsyz esirtki aınalymymen aınalysatyn terrorıstik uıymdy basqarady dep aıyptap keledi.

Al Izraıl Syrtqy ister mınıstri Venesýelany óńirdiń turaqtylyǵyn buzdy dep kiná taqty.

Ótken aıdyń aıaǵynda Donald Tramp Venesýela ústin jáne oǵan jaqyn aımaqtaǵy áýe keńistigin tolyq jabý týraly sheshim qabyldady.

Óz kezeginde Venesýela óziniń áýe keńistiginde egemendigin jarııalady.