AQSh Venesýelany basqaratyn bolady

ASTANA.KAZINFORM – AQSh prezıdenti Florıdadaǵy Mar-a-Lago rezıdentsııasynda Venesýelada júrgizilgen operatsııaǵa jáne latynamerıkalyq memlekettiń bolashaǵyna qatysty óziniń pikirin bildirdi.

AQSh prezıdenti Venesýelada júrgizgen operatsııanyń mańyzdylyǵyn atap ótti.

- Búgin tań ata meniń tapsyrmam boıynsha Qurama Shtattar, onyń Qarýly kúshteri Venesýelada júrgizgen tótenshe operatsııa kezinde Amerıkanyń kúsh-qýatyn qoldandy. Bundaıdy elder Ekinshi dúnıejúzilik soǵys kezinen beri kórmegen, - dedi Tramp.

Ol sondaı-aq qysqa ýaqytta bul operatsııanyń óte sátti ótkenin aıtty.

Tramp AQSh áskerine alǵys bildirdi jáne ásker arasynda eshqandaı shyǵyn bolmaǵanyn aıtty.

- Men bir tún ishinde osyndaı jetistikke jetken bizdiń Qarýly kúshterdegi qyzmetkelerdiń eńbegine alǵysymdy bildirgim keledi, - dedi Tramp.

Al Venesýelanyń bolashaǵyna qatysty Tramp bylaı dedi:

- Qylmysker Nıkolas Madýrony qolǵa túsirdik. Endi olar amerıkalyq sot aldynda jaýap beredi. Olarǵa AQSh pen onyń turǵyndaryna qarsy oılastyrylǵan esirtki terrorızmi boıynsha aıyp taǵylyp otyr. Ol (Nıkolas Madýro) ajal ýynyń Amerıkada taratý isin jeke ózi basqardy, - dedi Tramp.

Venesýelanyń bolashaǵyna qatysty Tramp ótpeli kezeń aıaqtalǵansha, jaǵdaıdy baqylaýda ustaıtynyn aıtty.