AQSh Venesýelaǵa munaı saýdasyn júrgizýge bir shartpen ǵana ruqsat beredi
ASTANA. KAZINFORM – Venesýelaǵa energetıkalyq resýrstardy satýǵa tek el bıligi AQSh-tyń múddesine saı áreket etken jaǵdaıda ǵana ruqsat beriledi, dep habarlaıdy TASS.
AQSh vıtse-prezıdenti Djeı Dı Vens Fox News telearnasyna bergen suhbatynda Vashıngtonnyń ustanymyn ashyq aıtty.
– Biz energetıkalyq resýrstardy baqylap otyrmyz jáne Venesýeladaǵy rejımge mynany eskertemiz: munaıdy tek AQSh-tyń ulttyq múddesine saı kelgen jaǵdaıda ǵana satýǵa ruqsat etiledi. Eger bul talap oryndalmasa, munaı satýǵa tyıym salynady, – dedi ol.
Buǵan deıin Venesýela AQSh-qa 30-50 mln barrel munaı jetkizetini habarlanǵan bolatyn. AQSh prezıdenti Donald Tramp munaı naryqtyq baǵamen satylatynyn, al qarjyny baqylaý amerıkalyq taraptyń qolynda bolatynyn málimdedi. Onyń aıtýynsha, bul qarajat Venesýela halqy men Amerıka Qurama Shtattarynyń ıgiligine jumsalýy tıis.
Prezıdent atalǵan jospardy iske asyrýdy AQSh energetıka mınıstri Krıs Raıtqa dereý bastaýdy tapsyrǵan. Tramptyń sózinshe, munaı qoıma retinde paıdalanylatyn tankerler arqyly tikeleı AQSh-taǵy túsirý aılaqtaryna jetkiziledi.
Sondaı-aq AQSh Venesýelamen baılanysty eki tankerdi tárkilegeni belgili boldy.
