AQSh valıýtasy 540 teńgege jaqyndady

ALMATY. KAZINFORM — Qazaqstan qor bırjasynda (KASE) shetel valıýtasy naryǵyndaǵy saýda-sattyq aıaqtaldy. 

Kúndizgi saýda qorytyndysy boıynsha AQSh dollarynyń ortasha baǵamy 539,55 teńge bolyp, 0,95 teńge ósti. Ulttyq banktiń 2 qyrkúıekke belgilengen resmı baǵamy — 538,54 teńge.

Kurs.kz dereginshe, Almatydaǵy aıyrbastaý oryndarynda dollar ortasha eseppen 538,97 teńgeden satyp alynyp, 540,88 teńgeden satylyp jatyr. Eýro baǵasy 625,47-630,14 teńge, al rýbl — 6,57-6,69 teńge aralyǵynda.

Astanada dollar 536,85 teńgeden satyp alynady, 541,85 teńgeden satylady. Eýro 624,00 teńgeden alynyp, 634,00 teńgeden beriledi. Rýbl 6,63-6,74 teńge.

Al Shymkentte dollar orta eseppen 538,78 teńgeden alynyp, 541,78 teńgeden satylady. Eýro 624,87-629,96 teńge aralyǵynda, al rýbl 6,61-6,68 teńge kóleminde belgilengen.

Eske salaıyq, 29 tamyzdaǵy kúndizgi saýda qorytyndysy boıynsha dollardyń ortasha baǵamy 538,54 teńge bolyp, 0,77 teńgege ósken edi.