AQSh Ýsama ben Ladenniń uly qaıda ekenin habarlaǵan adamǵa 1 mln dollar ýáde etti
ASTANA. QazAqparat - AQSh bıligi «Ál-Qaıda» lańkestik uıymy basshylarynyń biri sanalatyn Hamza ben Ladenniń qaıda ekenin habarlaǵan adamǵa 1 mln dollar syıaqy berýge ýáde etti. Bul týraly AQSh-tyń Memlekettik departamentiniń resmı saıtynda jarııalandy, dep habarlaıdy «QazAqparat» HAA.
«Kem degende 2015 jyldyń tamyzynan ol ınternette óziniń izbasarlaryn AQSh jáne onyń batystaǵy odaqtastaryna shabýyl jasaýǵa shaqyrǵan aýdıo- jáne vıdeohabarlamalar taratqan», - delingen onda.
Hamza ben Laden amerıkalyq áskerıler óltirgen ákesiniń kegin qaıtaramyn dep qoqan-loqqy jasaǵan.
