AQSh Ýsama ben Ladenniń kúıeý balasynyń aktıvterin jaýyp tastady
ASTANA. Tamyzdyń 25-i. QazAqparat - AQSh atyshýly Ýsama ben Ladenniń kúıeý balasy bolyp tabylatyn Muhammed Abdalla Hasan Ábý ál-Haırdyń aktıvterin jaýyp tastady, dep habarlaıdy Associated Press agenttigi.
Vashıngtondaǵylar, Ábý ál-Haır Ýsama ben Ladenniń týysy ǵana emes, ol sondaı-aq «Ál-Kaıeda» halyqaralyq lańkestik jelisiniń negizgi qarjygerleriniń biri dep sanaıdy. Engizilgen sanktsııalar onyń AQSh aýmaǵyndaǵy aktıvterin ǵana jaýyp qoımaıdy, sonymen birge Qurama Shtattardyń azamattaryna Ábý ál-Haırmen qandaı da bir is júrgizýge tyıym salady.
Arnaıy qyzmet ókilderiniń paıymdaýynsha, Ábý ál-Haır, lańkestik jeliniń bas qarjygeri Ábý ál-ıAzıda óltirilgennen keıin, salystyrmaly túrde jaqynda ǵana «Ál-Kaıedanyń» bas qazynashysy atanǵan bolýy múmkin.
Aıta ketý ketek, osydan eki jyl buryn Saýdııa Arabstany №1 lańkestiń kúıeý balasyn izdeý salynǵan qylmyskerlerdiń tizimine qosqan bolatyn. Ondaǵylar, Ábý ál-Haır kóptegen lańkestik áreketterge, onyń ishinde 2001 jyly qyrkúıektiń 11-indegi Nıý-Iork pen Vashıngtondaǵy shabýyldardy daıyndaýǵa qarjy jınaýǵa kómekteskendigine senimdi.
