AQSh USAID baǵdarlamasynyń 83% jabady: Ýkraına men ózge elderdiń taǵdyry qalaı bolmaq

ASTANA. KAZINFORM – AQSh-tyń memlekettik hatshysy Marko Rýbıo X áleýmettik jelisinde AQSh-tyń halyqaralyq damytý jónindegi (USAID) agenttiginiń jumysyn qorytyndylaý barysynda 83% baǵdarlamany toqtatý jóninde sheshimge kelgenin jazdy. Qalǵan bóligi memlekettik departament quramyna kiretini aıtylǵan. Bul týraly BBC jazdy. 

USAID bergen málimetke saı, Reseıdiń 2022 jyldyń aqpan aıyndaǵy Ýkraınaǵa alǵashqy soqqysynan bastap, Ýkraın halqyna 2,6 mlrd dollar bolatyn gýmanıtarlyq kómek jóneltilse, 5 mlrd dollar damýyna, 30 mlrd dollar tikeleı bıýdjetin qoldaý maqsatynda jumsalǵan. 

Bul qarajat qonys aýdarýshylarǵa sondaı-aq mańyzdy qyzmet atqaratyn memlekettik qyzmetshilerdiń eńbekaqysyna tólengen. 

2024 jyly USAID Ýkraınanyń atystan keıin búlingen ınfrastrýktýrasyn qalpyna keltirýge jáne memlekettik qyzmetke qoldaý kórsetý maqsatynda 522 mln dollar bergen. 

USAID agenttiginiń saıtynda AQSh qarjylandyrǵan ýkraındyq ondaǵan joba bar. Onda medıtsınadan bastap bilim sondaı-aq energetıka, BAQ-qa qoldaý kórsetilgeni aıtylady.  

USAID-tiń kómegin endi ózge elder almastyrýy múmkin. Máselen, JICA japondyq halyqaralyq áriptestik agenttigi Ýkraınanyń energetıka men ınfrastrýktýrasyn qarjylandyrý jóninde múmkindikterdi qarastyryp jatqany belgili boldy. 

Eske sala keteıik, Tramp AQSh pen Ýkraına arasynda barlaý aqparatyn almasý qaıta jandanǵanyn málimdegenin jazǵan bolatynbyz.