AQSh ýnıversıtetiniń professory L. Lessıgtiń «Erkin mádenıet» kitaby qazaq tiline aýdaryldy
ASTANA. 14 qyrkúıek. QazAqparat - 17 qyrkúıekte Almatyda «Internet jelisinde qazaq tildi mazmundy damytý jáne nasıhattaý» atty taqyrypta semınar-trenıng ótedi.
Semınar aıasynda Qazaqstan Respýblıkasy Úkimetiniń qamqorlyǵymen júze asyrylyp jatqan «WikiBilim» qoǵamdyq qorynyń birqatar jobalary tanystyrylmaq.
Atap aıtsaq, Loýrens Lessıgtiń «Erkin mádenıet» («Free Culture», «Svobodnaıa kýltýra») atty kitabynyń qazaqsha basylymynyń tanystyryly ótetini josparlanyp otyr. Kitap ınternettegi avtorlyq quqyq máselelerin qaıta qaraýǵa arnalǵan. Sondaı-aq, shara barysynda «Qazaqstannyń ashyq kitaphanasynyń» (www.iKitap.kz) jáne kitaphana aıasynda jumys isteıtin onlaın «Qazaq tiliniń ámbebap sózdiginiń» tusaýkeseri bolady.
Semınar jumysyna jaýapty memlekettik organdardyń ókilderi, sarapshylar, halyqaralyq jáne qazaqstandyq ınternet jobalardyń jetekshileri, ǵylymı ortalyqtar men shyǵarmashylyq qaýymdastyq ókilderi qatysady.
Semınar baǵdarlamasynda onlaın jýrnalıstıka negizderimen tanysqysy keletinderge bilim berý trenıngteri qarastyrylǵan.
