AQSh Úndistannyń Iran munaıyn satyp alýyna tyıym saldy
ASTANA. 9 mamyr. QazAqparat - AQSh Memlekettik hatshysy Hılları Klınton Úndistandy Iran munaıyn satyp alýdan bas tartýǵa shaqyrdy.
Áıtpese Nıý-Delıdiń ózine qatysty jazalaý sharalary qoldanylýy múmkin ekeni eskertildi. Bul týraly «Eýrazııa» birinshi arnasy habarlady.
«Rosbalt» jazǵandaı, Klınton Irannyń ıadrolyq baǵdarlamasy álemge qaýip-qater tóndiretinin atap ótti. Memlekettik hatshynyń sózine qaraǵanda, Úndistan bıligi Iran munaıynan bas tarta otyryp, Tegerannyń ıadrolyq ústemdigine qarsy kúreske óz úlesin qosa alady. Klınton sondaı-aq basqa da jabdyqtaýshylardyń kómegimen Nıý-Delı energotasymaldaýshylardyń qajettiligin qamtamasyz ete alatynyn málimdedi.
Aıta keteıik, budan buryn Úndistan Iran munaıyn shamamen jylyna 11 mıllıard dollarǵa satyp alatyn. Alaıda Eýropalyq odaq ol elden qara altyn satyp alýdy toqtatý týraly sheshimge kelgennen keıin, Úndistan munaı satyp alýdy azdap qysqartty. Soǵan qaramastan, bul jaǵdaı AQSh-ty qanaǵattandyryp otyrǵan joq. Vashıngton budan da góri batyl sharalar qabyldaýdy talap etip, Úndistan Úkimetine qysym kórsetýdi jalǵastyrýda.
