AQSh úndis taıpalaryna mıllıard dollar ótemaqy tólemek
ASTANA. 13 sáýir. QazAqparat - AQSh Úkimeti úndis taıpalaryna olardyń jerlerinde óndiriletin tabıǵat qorlaryn paıdalanǵany úshin ótemaqy retinde 1 mlrd. dollar tólemekshi, dep habarlady reseılik «Jańalyqtar» agenttigi.
Kolorado, ıÝta jáne Nıý-Meksıko shtattarynyń aýmaqtarynda turatyn 41 taıpanyń ókilderi ujymdyq talap-shaǵym berdi. Úndister amerıkandyq úkimetten munaı, gaz jáne aǵash óndirgenderi jáne olardyń aýmaǵynda mal jaıǵany úshin bereshek bolǵan aqshalaryn talap etti.
AQSh bas prokýrory Erık Holder ótemaqyny tóleý taıpalar turatyn jerlerdegi tabıǵı qorlardy basqarýdan týyndaǵan tarıhı janjaldy sheshedi dep málim etti. Úndisterdiń ókili Gerı Heıs tólemder taıpalar kóp jyldardan beri muqtaj bolyp otyrǵan qarjy jetispeýshiligin óteýge múmkindik beretinin atap ótti. Onyń aıtýynsha, alynǵan qarajattar densaýlyq saqtaý júıesin jańartýǵa, qoǵamdyq tártipti nyǵaıtýǵa jáne ınfraqurylymdy damytýǵa jumsalmaq.
Budan buryn osyndaı ujymdyq talap-shaǵym 2010 jyly berilip, ol kezde basqa úndis taıpalary 3,4 mıllıard dollar ótemaqy talap etken bolatyn.
