AQSh, Ulybrıtanııa, Frantsııa, Qytaı jáne Reseı basshylary ıadrolyq soǵysqa qarsy birlesken málimdeme qabyldady

MÁSKEÝ. TASS. QazAqparat –AQSh, Ulybrıtanııa jáne Soltústik Irlandııa Birikken Koroldigi, Frantsııa, Qytaı, Reseı memleketteriniń basshylary «ıAdrolyq soǵystyń aldyn alý jáne qarýlaný jarysyna jol bermeý týraly» birlesken málimdeme qabyldady. Bul týraly QazAqparat TASS agenttigine silteme jasap habarlaıdy.

«Qytaı Halyq Respýblıkasy, Reseı Federatsııasy, Ulybrıtanııa jáne Soltústik Irlandııa Birikken Koroldigi, Amerıka Qurama Shtattary, Frantsııa Respýblıkasy ıadrolyq qarýy bar memleketter arasyndaǵy soǵysqa jol bermeýdi jáne strategııalyq táýekelderdi azaıtýdy ózderiniń birinshi kezektegi jaýapkershiligi dep esepteıdi. Biz ıadrolyq soǵysta jeńimpazdar bolmaıtynyn jáne ony eshqashan tutanbaýy kerek ekenin málimdeımiz», - delingen qujatta.

Málimdeme mátininde álemde ıadrolyq qarý-jaraqtyń odan ári taralýyna jol bermeý kerektigi aıtylǵan.

«Árqaısymyz ıadrolyq qarýdy ruqsatsyz nemese abaısyzda qoldanýdyń aldyn alý jónindegi ulttyq sharalardy saqtaýǵa jáne ekenin taǵy da málimdeımiz jáne qolymyzdaǵy ıadrolyq qarý bir-birimizge nemese kez kelgen basqa memleketke baǵyttalmaıtynyn rastaımyz», - dep jazylǵan málimdemede.