AQSh Ýkraınaǵa materıaldyq kómek kórsetýge daıyn

ASTANA. QazAqparat - AQSh Ýkraınadaǵy qajetti saıası reformalar júzege asyrylǵan jaǵdaıda materıaldyq kómek kórsetýge daıyn. Bul týraly AQSh Memlekettik departamentiniń resmı ókili Vıktorııa Nýland málim etti, dep habarlaıdy Ýtro.rý.

Sonymen qatar ol Ýkraınadaǵy AQSh Elshisimen sóıleskendigine, onda eldiń jańa úkimetine kandıdattardy talqylaǵandyǵyna qatysty aqparattarǵa oraı pikir bildirmeıtindigin atap ótken.

Esterińizge sala keteıik, keshe YouTube portalynda aýdıojazba jarııalanǵan edi. Onda daýystary Nýland pen AQSh-tyń Ýkraınadaǵy Elshisi Djefferı Paıettiń daýystaryna uqsas áıel men er adam sóılesip, Ýkraınadaǵy saıası ahýaldy talqyǵa salady. Áıel Ýkraınanyń jańa Úkimetinde «ÝDAR» partııasynyń serkesi Vıtalıı Klıchkony kórgisi kelmeıtindigin basa aıtady. Sondaı-aq ol Eýropalyq odaqtyń Ýkraınadaǵy is-qımylyna qatysty dóreki sózder aıtyp qalǵan.