AQSh Ýkraınaǵa barlaý boıynsha qandaı kómek kórsetti

ASTANA. KAZINFORM - Donald Tramp pen Vladımır Zelenskııdiń Sopaq keńsedegi shıelenisti pikir almasýynan keıin AQSh Ýkraınaǵa áskerı jáne barlaý kómegin toqtatty, dep habarlaıdy Kazinform tilshisi.

Amerıkalyq barlaý agenttikteri Ýkraınaǵa Reseıdiń áýe jáne jerústi shabýyldaryn boljaýǵa kómektesetin beınebaqylaý jáne barlaý qyzmetterin usyndy jáne Kıevke reseılik kúshterdi baqylaýǵa jáne nysanaǵa alýǵa múmkindik berdi, dep habarlaıdy NBC News.

Ýkraınanyń Eýropada, sonyń ishinde Ulybrıtanııada Kıevti urys alańyndaǵy barlaý jáne basqa da aqparattarmen qamtamasyz ete alatyn basqa seriktesteri bar, deıdi burynǵy barlaý qyzmetkerleri.

Ókilder palatasynyń spıkeri Maık Djonson AQSh-tyń Ýkraınaǵa áskerı kómeginiń toqtatylýynyń ýaqytsha ekenin jáne Zelenskııdiń Tramppen shıelenisti áńgimesiniń saldarymen baılanysty ekenin aıtty.

Buǵan deıin Tramptyń Ýkraınaǵa barlyq áskerı kómekti toqtatýǵa buıryq bergeni habarlanǵan bolatyn.