AQSh Ýkraına jáne Reseımen úshjaqty kezdesýdi keıinge qaldyrýdy usyndy
ASTANA.KAZINFORM – Ýkraına, AQSh jáne Reseı arasyndaǵy osy aptaǵa josparlanǵan úshjaqty kezdesý AQSh ákimshiliginiń bastamasymen keıinge qaldyryldy. Bul týraly Ýkraına prezıdenti Vladımır Zelenskıı málimdedi, dep habarlaıdy Anadoly agenttigi.
Zelenskııdiń aıtýynsha, Aq úı Iranmen qarýly qaqtyǵysqa baılanysty beıbitshilik kelissózderin keıinge qaldyrýdy usynǵan.
– Osy aptaǵa josparlanǵan úshjaqty kezdesý Iran tóńiregindegi jaǵdaıǵa baılanysty AQSh-tyń usynysy boıynsha keıinge qaldyryldy, - dedi Zelenskıı.
Buǵan deıin, 2026 jyldyń 25 aqpanynda Máskeý, Kıev jáne Vashıngton qatysatyn Reseı-Ýkraına qaqtyǵysyn retteý boıynsha úshjaqty kezdesý naýryz aıynyń basyna deıin keıinge qaldyrylǵany habarlanǵan bolatyn.
Eske sala keteıik, buǵan deıin Ýkraına boıynsha aldyńǵy úshjaqty kelissózder Jenevada ótkenin habarlaǵanbyz.
