AQSh Ýkraına men Sýdan azamattaryn deportatsııalaýdy ázirge toqtatty
ASTANA. KAZINFORM — AQSh Іshki qaýipsizdik mınıstrligi qorǵaý merzimi aıaqtalǵan Ýkraına men Sýdan azamattaryn elden deportatsııalamaıtynyn málimdedi, dep habarlaıdy Kazinform agenttiginiń Vashıngtondaǵy menshikti tilshisi CBS News-ke silteme jasap.
Ondaǵan myń ýkraınalyq pen Sýdannan kelgen júzdegen mıgrantty qýdalaýdan qorǵaıtyn «Ýaqytsha qorǵalǵan mártebe» (Temporary Protected Status) baǵdarlamasynyń merzimi 2026 jylǵy 19 qazanda, dúısenbi kúni aıaqtalýǵa tıis edi.
Alaıda jeksenbi kúni AQSh Іshki qaýipsizdik mınıstrligi gýmanıtarlyq ımmıgratsııa baǵdarlamasynyń bolashaǵyna qatysty sońǵy sheshimniń keıinirek jarııalanatynyn málimdedi.
AQSh Іshki qaýipsizdik mınıstrliginiń málimdeýinshe, túpkilikti sheshim qabyldanǵanǵa deıin TPS baǵdarlamasyna qatysatyn Ýkraına men Sýdan azamattary qorǵaýda bolady.
Keıingi bir jarym jylda Tramp ákimshiligi onnan astam elden kelgen 1 mıllıonnan astam mıgranttyń ýaqytsha qorǵalǵan mártebesin joıdy. Olardyń arasynda Aýǵanstan, Gaıtı jáne Venesýela azamattary bar.
2025 jylǵy naýryzdaǵy málimet boıynsha, AQSh-ta 100 myńnan astam ýkraınalyq pen Sýdannyń shamamen 1 800 azamaty ýaqytsha qorǵalǵan mártebe alǵan.
Buǵan deıin Tramp Reseı men Ýkraına arasynda «energetıkalyq bitim» jarııalaǵany habarlanǵan bolatyn.
