AQSh, Ýkraına men EO elderi Tramp pen Pýtın sammıtiniń aldynda kezdesýge daıyndalyp jatyr

ASTANA. KAZINFORM – AQSh, Ýkraına men Eýropalyq Odaqtyń birqatar eliniń joǵary deńgeıdegi sheneýnikteri osy demalysta Ulybrıtanııada kezdesýdi josparlap otyr, dep habarlaıdy VVS.

Olardyń maqsaty – Donald Tramp pen Vladımır Pýtınniń kezdesýiniń aldynda ustanymdaryn kelisip alý, dep habarlaıdy Axios basylymy osy máseleden jan-jaqty habardar úsh derekkózge silteme jasaı otyryp.

Ýkraına men NATO-nyń birneshe eli Tramp Pýtınniń soǵysty toqtatý jáne Kıevpen terrıtorııa almasý jónindegi usynysyna ózgelerdiń ustynymyn nazarǵa almastan kelise sala ma dep alańdap otyr, dep jazady basylym.

Pýtın Tramptyń arnaıy ókili Stıv Ýıtkoffpen 6 tamyz kúni ótken kezdesýinde Ýkraına aýmaǵy boıynsha kelisetin bolsa, kelisimge kelýge daıyn ekenin aıtqan bolatyn. Buny Wall Street Journal ýkraınalyq jáne eýropalyq derekkózderge silteme jasap habarlaǵan bolatyn.

Keshirek Tramp Pýtınmen bolatyn aldaǵy kezdesýinde Reseı men Ýkraına arasynda terrıtorııa almasý máselesin talqylaıtynyn aıtty.

Aıta keteıik, Tramp Pýtınmen 15 tamyz kúni kezdesedi.