AQSh Ýkraına kelissózinen shyǵýy múmkin – Memlekettik departament

ASTANA. KAZINFORM – Memlekettik departamenttiń baspasóz hatshysy Temmı Brıýstiń aıtýynsha, AQSh Ýkraınadaǵy qaqtyǵysty retteýdegi deldaldyq rólinen shyǵýy múmkin. Sońǵy sheshimdi AQSh prezıdenti Donald Tramp qabyldaıdy, dep habarlaıdy Kazinform menshikti tilshisi. 

— Qazir biz eki taraptyń da osy qaqtyǵysty qalaı toqtatýǵa bolatyny týraly naqty usynystaryn aıtýy kerek ýaqyttamyz. Ary qaraı qalaı áreket etetinimiz qazir prezıdentke tıesili sheshim. Eger ilgerileý bolmasa, biz bul protseste deldal retinde sheginemiz, — dep habarlady Memlekettik departamenttiń baspasóz hatshysy Temmı Brıýs brıfıngte. 

— Ol eger ilgerileý bolmasa, onda biz, árıne (beıbitshilik protsesin) qaldyramyz dedi. Bul hatshynyń óte anyq málimdemesi. Bul onyń maǵan jaqynda ǵana aıtqany, — dep málimdedi Brıýs AQSh Memlekettik hatshysy Marko Rýbıoǵa silteme jasaı otyryp.

Buǵan deıin Reseı Syrtqy ister mınıstri Sergeı Lavrov Pýtınniń atysty ýaqytsha toqtatý týraly usynysy Reseıdiń kelissózderge degen umtylysy dep málimdegenin jazǵan bolatynbyz.