AQSh: Ýkraına avtorlyq quqyqty buzý boıynsha alda tur
ASTANA. 2 mamyr. QazAqparat - AQSh bıligi Ýkraınany zııatkerlik menshik quqyn buzýshylardyń kóshin bastap tur dep atady. Bul týraly VVS habarlady.
Vashıngtonnyń málimetinshe, Ýkraınada zııatkerlik quqyqty qorǵaý ahýaly basqa elderge qaraǵanda tómen deńgeıde.
AQSh-tyń Saýda máselesi boıynsha ókiliniń baıandamasynda Kıev ınternettegi qaraqshylyqpen tıimdi kúrese almaı otyrǵandyǵy atap ótilgen. Sonymen qatar bul elde baǵdarlamalyq qamtamasyz etýdi zańsyz keńinen paıdalaný problemasy da ótkir turǵan kórinedi.
Vashıngtonda atap ótkendeı, bundaı baǵdarlamalyq qamtamasyz etýmen Ýkraınanyń memlekettik mekemeleri de paıdalanady eken.
Buǵan qosa AQSh-tyń Saýda máselesi boıynsha ókili eger de, Kıev zııatkerlik menshik quqyn qorǵaý úshin tıisti sharalar qoldanbasa, onda Ýkraına birqatar saýda jeńildikterinen shekteletinin alǵa tartyp otyr.
