AQSh úkimeti 25 qańtarda óz qyzmetshilerine tolassyz jaýǵan qarǵa baılanysty demalys berdi
ASTANA. QazAqparat - Amerıka astanasynda ornalasqan AQSh federaldyq úkimetiniń mınıstrligi men vedomstvolary 25 qańtarda «Djonas» qarly boranyna baılanysty demalatyn boldy. Bul týraly jeksenbi kúni keshke AQSh federaldyq úkimetiniń kadrlar basqaramasy jarııalady, dep málimdedi TASS.
AQSh astanasy ornalasqan Kolýmbııa federaldyq okrýginde jergilikti bılik ókilderi dúısenbi jumys istemeıdi. Bul jaǵdaı sol jerge jaqyn Vırdjınııa men Merılendte de oryn aldy.
Vashıngtonda jáne oǵan jaqyn mańda juma-senbi kúnderi boran soǵyp, qar bıiktigi bir metrge deıin jetti. Jeksenbide qalada kún ashyq bolyp, qar tazalaýǵa múmkindik týdy. Amerıkada temperatýra áli de mınýsty kórsetýde. Búgin kúndiz nól gradýsqa jylynady.
