AQSh UQA qytaılyq «Huawei» kompanııasyna tyńshylyq jasaǵan
ASTANA. QazAqparat - Qytaılyq telekommýnıkatsııalyq «Huawei» kompanııasyna qatysty amerıkalyq Ulttyq qaýipsizdik agenttiginiń (UQA) tyńshylyq júrgizýi turǵysynda QHR AQSh-tan túsinikteme talap etti.
«New York Times» gazetiniń habarlaýynsha, UQA Shenchjen qalasyndaǵy shtab-páterinde kompanııanyń serverlerin buzǵan kórinedi. Basylym málimetinshe, AQSh-qa qarsy Qytaı áskeri kompanııanyń kómegimen kıbertyńshylyq júrgizip otyrǵandyǵyna kúdiktegen UQA bul operatsııany uıymdastyrǵan eken.
Gazettiń bul derekteri Ulttyq qaýipsizdik agenttiginiń burynǵy qyzmetkeri Edvard Snoýdenniń jarııalaǵan qujattaryna negizdelgen. Budan buryn «Huawei» kompanııasy óziniń kompıýterlik jelilerine qater týdyratyn kez kelgen is-qımyldy synǵa alatynyn málimdedi, dep jazady VVS.
