AQSh-tyń jańartylǵan 100 dollarlyq banknoty 2011 jyly aınalymǵa engiziledi
trong> Sáýirdiń 22-si. QazAqparat /Erlik Erjanuly/ - AQSh valıýtasynyń qurama shtattar aýmaǵynan tys jerde eń kóp qoldan jasalynatyny 100 dollarlyq nomınal.
Bul jaıly búgin Almatyda ótken tusaýkeserde aıtyldy, dep habarlaıdy QazAqparat.
"Valıýtanyń qaıta jobalanýy jalǵaspaly jáne AQSh úkimetindegi turaqty úrdis. 100 dollarlyq jańa banknot AQSh valıýtasynyń 2003 jyly bastalǵan 5-shi sońǵy nomınaly. Buǵan deıin jańa dızaındaǵy 50, 10 jáne 5 dollarlyq banknottar engizilgen bolatyn. 100 dollarlyq eń joǵary nomınal jáne el aýmaǵynan tys jerde keń taralǵan. Álemde aınalymda júrgen AQSh valıýtasynyń 1 paıyzy qoldan jasalady. Onyń ishinde qoldan eń kóp jasalynatyny - 100 dollarlyq nomınal. Osy sebepti AQSh úkimeti sońǵy 10 jylda búkil álemde sapaly jáne aýqymdy zertteýler júrgizdi. Jańartylǵan 100 dollarlyq kýpıýra sonyń nátıjesi bolyp otyr", deıdi AQSh Bas Konsýldyǵy basshysynyń mindetin atqarýshy Robert Leın. Onyń aıtýynsha, jańartylǵan 100 dollarlyq bankot 2011 jyly aqpanyń 10-ynda aınalymǵa enbek. Ony jasandy baknottan aıyrý óte jeńil.
