AQSh-tyń jańa qorǵanys mınıstri qyzmetine kiristi

NUR-SULTAN. QazAqparat – Burynǵy armııa podpolkovnıgi Mark Esper seısenbi kúni Aq úıde ótken saltanatty rásimde AQSh-tyń jańa qorǵanys mınıstri retinde ant qabyldady, dep habarlaıdy QazAqparat Fox News agenttigine silteme jasap.

Esper Djeıms Mettıs ótken jyldyń jeltoqsanynda otstavkaǵa ótinish bildirgennen keıin Pentagonnyń birinshi turaqty basshysy boldy.

Esper Parsy shyǵanaǵynda Irak aýmaǵyndaǵy soǵysqa qatysqan. Turaqty áskerde 10 jyl jáne Ulttyq gvardııa men armııa rezervinde 11 jyl qyzmet etip, qazirgi taǵaıyndaýǵa deıin mınıstr mindetterin atqaryp keldi.

Joǵarǵy sottyń sýdıasy Samýel Alıto odan ant qabyldady.

Senat Esperdi seısenbi kúni daýys berý arqyly osy qyzmetke bekitti. 90 senator Esperdiń kandıdatýrasyna daýys berse, segiz adam qoldaǵan joq.

The New York Times baspasynyń jazýynsha, Esper 1,3 mln áskerı qyzmetshisi bar áskerdi basqarady.

https://www.nytimes.com/2019/07/23/us/politics/mark-esper-secretary-defense.html

Aıta ketken jón, 2019 jylǵy AQSh-tyń áskerı bıýdjeti 716 mlrd dollardy quraıdy.