AQSh-tyń jaǵalaý kúzeti eskekti qaıyqpen Atlantıkany kesip ótpek bolǵan brıtandyqty qutqardy
ASTANA. QazAqparat - AQSh-tyń jaǵalaý kúzeti jalǵyz ózi eskekti qaıyqpen Atlantıka muhıtyn kesip ótpek bolǵan brıtandyq Naıall Makdonaldqa kómek berýge májbúr boldy.
40 jastaǵy Makdonald júzýge osydan bir apta buryn Nıý-Iorkten shyqqan bolatyn. Al saıahatyn shamamen úsh aıdan soń Shotlandııada aıaqtaýdy josparlaǵan.Biraq Nıý-Iork shtaty jaǵalaýynan 80 shaqyrym shyqqan kezde ol birneshe ret kómek suraǵan dabyl belgisin jibergen. Brıtandyqty Beıonn qalasynda ornalasqan (Nıý-Djersı shtaty) jaǵalaý kúzetiniń kateri qutqardy. Qutqarýshylardyń aıtýynsha, Makdonald basynan jáne arqasynan jaraqattanǵan. Ol shuǵyl túrde Beıonn aýrýhanalarynyń birine jetkizildi. Dárigerlerdiń sózine qaraǵanda, onyń ómirine esh qaýip tónip turǵan joq.
Al saıahatshyǵa ne bolǵandyǵy belgisiz, tek ol aýmaqta tuman túsip, asaý tolqyndar baıqalǵan.
