AQSh-tyń yqpaldasýymen Taraz oqý polıgonynda polıtseılerge arnalǵan ǵımarat salyndy (FOTO)
TARAZ. QazAqparat - Jambyl oblysynda Halyq Qaharmany polıtsııa kapıtany Ǵazız Baıtasov atyndaǵy oqý-jattyǵý polıgony aýmaǵynda oqytý jáne turǵyn úı baǵytyndaǵy jańa ákimshilik ǵımarat paıda boldy. Bul týraly Jambyl oblystyq ІІD baspasóz qyzmetinen habarlady.
Onyń ashylý saltanatyna Almatydaǵy AQSh Bas konsýly Mark Mýdı, sonymen qatar AQSh áskerı ókilderi qatysty.
Jambyl oblystyq ІІD basshysynyń orynbasary Qasym Dosanov ІІD ujymyn 50 adamǵa shaqtalǵan jańa ǵımarattyń ashylýymen quttyqtap, jaǵdaıdyń jaqsartylýy polıtseılerdiń áskerı daıyndyǵynyń sapasyn arttyratynyn atap ótti. Sondaı-aq ol amerıkalyq áriptesterdiń jobany júzege asyrýdaǵy úlesin atap ótti.
AQSh bas konsýly Mark Mýdı bul atalǵan saladaǵy yntymaqtastyqtyń alǵashqy tájirıbesi ekenin aıtyp, polıtseılerge jumysynda sáttilik tiledi.
«Ǵımarat qurylysy ótken jyly AQSh-taǵy seriktesteriniń yqpaldasýymen Jambyl oblystyq ІІD, «Profıl LTD» JShS jáne «Technology management company. inc» kompanııasymen úshjaqty kelisim negizinde bastaldy», - dedi vedomstvoda.
Jańa ǵımarat eki qabatty - 48 h 11,4 metr. Birinshi qabatta qyzmettik kabınetter, kezekshilik bólim, qarý saqtaýǵa arnalǵan bólmeler, kir jýatyn oryn, medpýnkt, konferents-zal, 50 oryndyq ashana, jýynatyn bólmeder ornalasqan. Ekinshi qabatta 25 jatatyn bólme bar.
