AQSh-tyń Vıskonsıninde bolǵan atystan 4 adam qaza tapty
ASTANA. QazAqparat - Amerıkalyq Vıskonsın shtatynda bolǵan atystyń saldarynan tórt adam qaza tapty, dep habarlady Fox 11 News arnasy.
Oqıǵa, sársenbi, 22 naýryz kúndiz, shtat ortalyǵy Marator okrýginde oryn aldy. Bastapqyda polıtsııa Rotschaıld kentinde bank mańynda atys boldy degen habarlama alǵan. 10 mınýttan soń kórshi Shofıld eldi mekeninde jáne advokat bıýrosy aýdanynda osyndaı jaǵdaıǵa qatysty shaqyrtý túsken. Budan keıin birneshe mınýttan soń úsh shaqyrym jerden atys estilgen.
Polıtsııa ókilderi baspasóz máslıhatynda atalǵan epızodtardyń bir-birimen baılanysty ekenin rastady. Bir adam ustaldy, halyqtyń ómirine tónip turǵan qaýip joq. Kúdiktiniń esimi, ne úshin mundaı áreketke barǵany aıtylmady.
Atystan bir polıtseı, úsh azamattyq tulǵa qaıtys boldy. Atys bolǵan jerdegi turǵyndar bóligi evakýatsııalandy. Mektepte birneshe saǵatqa qatań oqshaýlaý rejimi engizildi.
