AQSh-tyń Vıskonsın Medıson ýnıversıteti «Astananyń jańa ýnıversıtetindegi» áleýmettik ǵylymdar mektebin óziniń deńgeıine deıin jetkizýge nıetti
ASTANA. Sáýirdiń 29-y. QazAqparat /Gúlmıra Álıakparova/ - AQSh-tyń eń úzdik joǵary oqý oryndarynyń biri - Vıskonsın Medıson, «Astananyń jańa ýnıversıteti» AQ-daǵy áleýmettik ǵylymdar mektebin óziniń deńgeıine deıin jetkizý úshin qolǵabys etýge nıetti.
Bul týraly búgin QR Tuńǵysh Prezıdentiniń ıntellektýaldyq mektebinde ótken baspasóz máslıhatynda, atalmysh ýnıversıtettiń Azııa tilderi jáne órkenıetteri fakýltetiniń professory, Orta-Azııalyq baǵdarlamalardyń tóraǵasy ıÝlaı Shamıloglý aıtty.
Búgin Astanaǵa kelgen Vıskonsın Medıson ýnıversıtetiniń bir top delegaty, Astananyń jańa ýnıversıtetindegi áleýmettik ǵylymdar mektebiniń tujyrymdamasyn jáne onyń damý strategııasyn ázirleý boıynsha zertteýler júrgizetin bolady.
ıÝ.Shamıloglý, Qazaqstanda halyqaralyq deńgeıdegi jańa ýnıversıtettiń ashylýyn qoldaıtynyn aıtyp: «Elde júzege asyrylyp otyrǵan «Bolashaq» baǵdarlamasy arqyly, sondaı-aq ashylyp jatqan kóptegen basqa da oqý oryndaryna qarap, el Prezıdenti N.Nazarbaev bul salaǵa úlken kóńil bólip otyrǵanyn kórip otyrmyz», - dedi.
ıÝ.Shamıloglý Astananyń jańa ýnıversıtetiniń áleýmettik ǵylymdar mektebin halyqaralyq bilim standarttaryna sáıkestendirip, ony Vıskonsın Medısonmen bir deńgeıge jetkizýge bar kúshterin salatynyn atap ótti. ıÝ.Shamıloglýdyń sózine qaraǵanda, Jańa ýnıversıtette áleýmettik-gýmanıtarlyq pánder boıynsha faktiler berilip qana qoımaı, stýdentterdiń syn turǵysynan oılaý qabiletterin jetildirýge de úlken nazar aýdarylatyn bolady.
Aıta keteıik, Qazaqstandaǵy alǵashqy zamanaýı ýnıversıtettiń atalmysh mektebine stýdentterdi jáne oqytýshylardy irikteýdi sheteldik osy ýnıversıtet júzege asyratyn bolady.
Vıskonsın Medıson ýnıversıteti 40 myńǵa jýyq stýdenti bar AQSh-taǵy eń ozyq joǵary oqý oryndarynyń biri. JOO eń kóp shet el tilderin oqytatyn birden-bir ýnıversıtet. Qazaq tili munda 20 jylǵa jýyq ýaqyt boıy oqytylyp keledi. ıÝ.Shamıloglýdyń qazaq tilinde erkin sóıleýi de ýnıversıtettiń bul baǵytta úlken tájirıbesi baryn kórsetedi.
