AQSh-tyń Ulttyq parkinen týrıster juqtyrǵan qaýipti vırýs álemge taralýy múmkin
ASTANA. 8 qyrkúıek. QazAqparat - Asa tez taralyp, ólimge soqtyratyn qaterli vırýs 22 myń adamnyń ómirine qaýip tóndirýde, dep habarlady Independent News.
Áńgime Iosemıt ulttyq saıabaǵyna (Kalıfornııa, AQSh) kelýshiler týraly bolyp otyr, bıylǵy maýsym aıynan tamyzǵa jáne qazirgi kezge deıin saıabaq aýmaǵynda qonaqta bolǵan olar hantavırýs juqtyrýy múmkin.
Ondaı mazasyzdyqqa Ulttyq saıabaqta bolǵan kelýshilerdiń 8-iniń dárigerge qaralǵanda hantavırýs juqtyrǵan jaǵdaıy sebep bolyp otyr. Hantavırýs osy indetti juqtyrǵan kemirgishter bolǵan jerden aýa arqyly taralady. Adamdar ýlanǵan aýany jutyp, osy indetke ushyraıdy. Statıstıka málimetterine qaraǵanda, aýrý juqtyrǵandardyń úshten biri kóz jumady. Qazirdiń ózinde úsh adamnyń qaıtys bolǵany belgili bolyp otyr.
Ásirese, saıabaqqa kelýshiler arasynda 2,5 myń sheteldik týrıster bolýy úlken problema bolyp otyr. Olar elderine barǵasyn osy aýrýdy odan ári taratýy múmkin.
Degenmen, ǵalymdar qazirge deıin vırýstyń adamnan adamǵa juǵýy jaǵdaıy bolmaǵandyǵyn aıtady.
