AQSh-tyń Tehas shtatynda 100-den asa mıgranttyń denesi tabyldy
ASTANA. QazAqparat - AQSh-tyń Tehas shtatynyń ońtústigindegi qabirlerdiń birinen amerıkalyq birneshe ýnıversıtettiń antropologtary meksıkalyq mıgranttarǵa tıesili dep boljanyp otyrǵan 100-den asa adamnyń denesin tapty, dep jazady Assoshıeıted Press agenttigi.
Antropologtar stýdenttermen birge bir jyldan beri qapqa, qoqys paketine, úlken sýmkalarǵa salynǵan kúıinde kómilgen súıekterdiń kimderdiki ekenin anyqtaı almaı keledi.
Bul jerde jappaı jerlenegen belgisiz adamdardyń deneleri jatqandyǵy alǵash 2013 jyly belgili bolǵan. Ol joly 110 belgisiz dene kómilgen jerinen qazylyp alynǵan edi. Bıylǵy jaz bastalǵaly antropologtar stýdentterimen birge taǵy 52 deneni eksgýmatsııalaǵan.
Aıta keter bir jaıt, 2011-2013 jyldar arasynda AQSh-tyń Brýks ólkesi mańynan el shekarasyz zańsyz kesip ótpek bolǵan 300 meksıkalyq qaza tapqan. Jergilikti bıliktiń aıtýynsha, ol jerde ár adamdy jerleý shamamen 450 dollar turady. Sondyqtan, mıgranttar kóbine qaza bolǵan jerlesteriniń denesin osylaı qabirlerge jappaı kómip ketedi.
