AQSh-tyń Taıaý Shyǵysta qalýyna endi negiz joq - Iran
ASTANA. 3 mamyr. QazAqparat - «Ál-Kaıeda» jetekshisi Ýsama ben Ladenniń kózi joıylǵannan keıin, AQSh áskerı kúshteriniń budan bylaı Taıaý Shyǵysta qalýyna negiz joq.
Irannyń Syrtqy ister mınıstrliginiń resmı ókili Ramın Mehmanparast osyndaı málimdeme jasady, dep habarlaıdy RBK agenttigi.
«AQSh pen onyń odaqtastary halyqaralyq lańkestikpen kúresýdi syltaý etip, budan bylaı aımaqta qala almaıdy», - dedi Iran dıplomaty.
B.Ladenniń kóziniń joıylýy «aımaq elderinde tynyshtyq pen qaýipsizdik» ornatýǵa kómektesedi degen Irannyń úmitin jetkizgen dıplomat, Islam Respýbıkasynyń «búkil álemdegi lańkestikti úzildi-kesildi aıyptaıtynyn» málim etti.
