AQSh-tyń sanktsııalyq saıasatpen áýestenýi saldarynan Iran ózin-ózi qamtamasyz etetin elge aınaldy - Radjab Cafarov
ASTANA. QazAqparat - AQSh Iran men basqa elderge qatysty sanktsııalyq saıasatpen qııanat jasaýda. Bul týraly Astanadaǵy 12-shi Eýrazııalyq medıa forým barysynda Qazirgi Irandy zertteý ortalyǵynyń bas dırektory Radjab Safarov (Reseı) málim etti.
«Amerıkandyqtar ózderiniń sanktsııalyq saıasatymen qatty áýestenip ketti. Keıbir kezderde olardyń is-qımylyna qaraǵanda, amerıkandyqtar bir-birin estip, kórmeıtin sekildi, sondaı-aq olar ózderiniń ǵana emes, sonymen qatar ózge memleketterdiń múddesin estigisi kelmeıdi», - dedi ol.
R. Safarovtyń paıymynsha, AQSh tarapy sanktsııalyq shoqparmen qatty áýestenýi saldarynan, keı kezderde olardyń saıasaty ózderiniń múddelerine qaıshy kelýde.
Onyń sózine qaraǵanda, AQSh saktsııalary is júzinde Iran úshin múmkindikter jolyna aınaldy.
«Kóptegen salalarda osy memleket Eýropa men AQSh-tyń sanktsııalyq saıasatynyń arqasynda ózin-ózi qamtamasyz etetin elge aınaldy», - dep túıdi ol.
