AQSh-tyń Reseıdegi elshisi qyzmetinen ketpek
ASTANA. QazAqparat - AQSh-tyń Máskeýdegi elshisi Maıkl Makfol Sochı Olımpıadasynan keıin qyzmetinen ketpek. Bul týraly dıplomat óziniń LiveJournal saıtyndaǵy blogynda málim etti, dep habarlady RBK.
Elshiniń aıtýynsha, Olımpıadadan keıin ol Kalıfornııadaǵy otbasyna oralady. M.Makfol ózi úshin týystarynan jyraqta bolý oǵan qıyn bolǵanyn atap ótti, endi otbasynda «qaıtadan birge bolýdyń sáti tústi».
M.Makfol AQSh elshisi qyzmetine 2011 jylǵy qyrkúıekte bekitilgen bolatyn. 90-jyldardyń ortasynda M.Makfol Máskeýde Karnegı ortalyǵynda qyzmet atqardy. Dıplomat ámirshil jáne dıktatorlyq rejımderden demokratııaǵa kóshý jónindegi bilikti maman retinde sanalady.
M.Makfoldyń jumysynan ketetini jaıyndaǵy sybystar 2013 jylǵy qarashada Stenfordta demalysta júrgen kezinde shyǵa bastaǵan edi. Sol kezde «Izvestııa» gazeti onyń otstavkasy E.Sonýdenniń isimen, USAID-pen, «Magnıtskıı tizimi» jáne «Dıma ıAkovlev zańy» sııaqty oqıǵalarmen baılanystyryldy.
