AQSh-tyń ortalyq shtattarynda joıqyn tornado júrip ótti

NUR-SULTAN. QazAqparat – AQSh-tyń ortalyq shtattarynda joıqyn tornado saldarynan Kentýkkı shtatynda kem degende 70 adam qaza tapqan, Illınoıste opyrylǵan qoımada ondaǵan adam qaldy, al Arkanzastaǵy qarttar úıinde úıindi astynda eki adam qaza bolyp, 20 adam zardap shekti. Bul týraly QazAqparat Euronews aqparat agenttigine silteme jasap habarlaıdy.

El prezıdenti Djo Baıden eń qatty zardap shekken aımaqtarǵa dereý shuǵyl kómek jiberýdi buıyrdy, dep habarlady Aq úıde ótken brıfıngte.

Tvıtterde prezıdent «tabıǵı apat soqqysynan jaqyndarynan aıyrylý – eń úlken qasiret» ekenin málimdedi.

«Bul – shtatymyzdyń tarıhyndaǵy eń joıqyn tornado. Zilzalanyń saldarynan Greıs aımaǵynda, basqa jerlerde ne bolyp jatqanyn kórgender ony sózben aıtyp jetkize almaıdy. Mundaı qıratýdy eshqashan kórgen emespin. Ónerkásip ǵımarattary qulaǵan, shatyrlar ushty, aǵashtar tamyrymen julynǵan, júk kólikteri aýada ushyp, jerge qulaǵan», - dep málimdedi Kentýkkı shtatynyń gýbernatory Endı Beshır.

Beshır tornado saldarynan zardap shekkender sany kún sońynda 100 adamǵa jete alatynyn joqqa shyǵarnmaıdy.

Shtatta tótenshe jaǵdaı rejımi engizilgen, onyń saldaryn joıý maqsatynda Ulttyq gvrdııa bólimsheleri jumys atqarýda.

Tornado saldarynan eń qatty zardap shekken Meıfıld qalasynyń turǵyndary bolǵan oqıǵany kóptonnaly bombanyń jarylýymen salystyrdy.

Búkil qala elektr jaryǵynsyz qalǵan.