AQSh-tyń Ortalyq barlaý basqarmasynyń dırektory áıeliniń kózine shóp salǵany úshin otstavkaǵa ketti

Óziniń sheshimin áıeliniń kózine shóp salǵanymen túsindirip otyr. 10 qarasha kúni D.Petreýs AQSh Prezıdenti Barak Obama onyń otstavkaǵa ketý týraly ótinishin qabyldaǵanyn málim etti.

OBB qyzmetkerlerine arnalǵan hatynda D.Petreýs óziniń is-áreketiniń sebepterin baıandady. «Birge ómir súrgen 37 jyldan keıin syrtta qarym-qatynasqa baryp, ózime jańylysýǵa jol berdim», - dedi ol. D.Petreýs bul otaǵasyna ǵana emes, sondaı-aq beldi uıymnyń kóshbasshysyna jaraspaıtyndyǵyn aıtty.

Jaqynda ǵana 59 jasqa tolǵan D.Petreýs AQSh-tyń syrtqy barlaý qyzmetiniń basshysy bolyp 2011 jyly taǵaıyndalǵan bolatyn. Oǵan deıin NATO-da basty laýazymdarda boldy - aldymen Alıanstyń Iraktaǵy, odan keıin Aýǵanstandaǵy kúshterin basqardy. Onyń áıeli Hollı áskerılerdiń otbastaryn qoldaý jónindegi komıtetterdiń birin basqarady.