AQSh-tyń Ortalyq Azııadaǵy syrtqy saıasatynyń negizgi baǵyttary

VAShINGTON. QazAqparat – AQSh Memlekettik departamentiniń baspasóz hatshysy Ned Praıs brıfıng barysynda Amerıkanyń Ortalyq Azııadaǵy syrtqy saıasatynyń 2023 jylǵy negizgi baǵyttary týraly aıtty, dep habarlaıdy QazAqparattyń menshikti tilshisi.

Syrtqy saıasat vedomstvosynyń ókili Amerıka Ortalyq Azııa elderine senimdi seriktes bolýǵa umtylady jáne Ortalyq Azııa memleketteriniń táýelsizdigin, egemendigi jáne aýmaǵynyń birtutas bolýyn qoldaýdy jalǵastyratynyn atap ótti.

Amerıka tarapy 7 jyldan astam ýaqyt buryn C5+1 dıplomatııalyq platformasyn iske qosty, mundaı formattaǵy seriktestik óńir úshin jáne óńir syrtynda da tıimdi ári turaqty sheshimderge ákeledi. Ned Praıstyń aıtýynsha, qazirgi ýaqytta Orta Azııa eń qýatty jaǵdaıynda, sebebi úkimet aımaqtyq jáne jahandyq máselelerdi ujymdasa sheshedi, al bul qazir burynǵydan da ózekti bolyp tur.

Ekonomıkalyq turǵyda AQSh burynǵysha aımaqqa ınvestıtsııa quıady jáne áriptesterimen jumysqa qyzyǵýshylyq tanytady. Oǵan dálel Ortalyq Azııa áleýetin kóterýge, jańa saýda baǵyttaryn keńeıtý jáne aımaqtaǵy jeke sektordy nyǵaıtýǵa 25 mln dollardyń bólinýi.

Sondaı-aq, seriktestermen iskerlik jáne ekonomıkalyq baılanystar, kásiptik almasý, bilim berý jáne aǵylshyn tilin meńgerý, densaýlyq saqtaý, ıadrolyq qarýdy taratpaý jáne qaýipsizdik, táýelsiz azamattyq qoǵam men BAQ áleýetin arttyrý, óńirlik saýda men energetıkalyq qaýipsizdikti nyǵaıtý salasyndaǵy kóptegen óńirlik jáne ekijaqty baǵdarlamalar boıynsha yntymaqtastyq júzege asyrylady.

Ortalyq Azııa úkimetterimen jáne halyqtarymen yntymaqtastyq, sondaı-aq olardyń ózara is-qımyly Ortalyq Azııanyń órkendeýi men turaqtylyǵyna yqpal etetin irgetas jáne bul shynymen de AQSh-tyń aımaqqa degen syrtqy saıası kózqarasyna negiz bolady.

Sýretti «QazAqparat» HAA tilshisi túsirdi