AQSh-tyń Oregon shtatynda joıqyn jarylys boldy
ASTANA. QazAqparat - Oregon shtatyndaǵy Portland qalasynda ornalasqan kóp qabatty naýbaıhanada joıqyn jarylys bolyp, saldarynan 5 adam túrli jaraqat aldy.
Bul týraly «Habar 24» jazady.
Jaralanǵandardyń úsheýi órt sóndirýshi ekendigi anyqtaldy. OregonLive-tyń habarlaýynsha, jarylysqa turmystyq gazdyń syrtqa taralyp ketýi sebep bolǵan.
Jarylystan keıin ǵımarattan órt shyǵyp, onyń qoıý tútini aspanǵa býdaqtady. Jarylystan kórshiles turǵan medıtsınalyq ortalyq pen birneshe dúkenge zaqym kelip, elektr jaryǵy sónip qaldy. Oqıǵa ornyna jetken qutqarýshylar ǵımarattaǵy adamdardy qaýipsiz jerge kóshirdi.
Polıtsııa jurttyń naýbaıhanaǵa jaqyndamaýyn eskertip, onyń tóńiregin oqshaýlap tastady. Jalpy ǵımaratta bastapqyda neshe adam bolǵany belgisiz bolǵandyqtan, jaralanǵandar sany artýy múmkin.
