AQSh-tyń ońtústiktegi shekarasynda aı saıyn 200 myńnan astam mıgrant ustalady

VAShINGTON. QazAqparat – Mamyr aıynda AQSh-tyń keden jáne shekara kúzetteri ońtústik-batysta ornalasqan qurlyqtaǵy shekarada 239 416 zańsyz mıgrantty ustady, dep habarlaıdy QazAqparat tilshisi ABC News basylymyna silteme jasap.

Sársenbi kúni jarııalanǵan statıstıkaǵa sáıkes, AQSh-ta ońtústiktegi shekaradan ótýge talpynǵandardyń eń kóp sany sońǵy ret 2000 jyly tirkelgen bolatyn.

Qujatta sońǵy tórt aıda ońtústik shekara boıynda zańsyz mıgranttar sany aıtarlyqtaı artyp, aı saıyn 200 myńnan astam adamdy quraıtyny aıtylǵan.

Mamyr aıynda shekarany zańsyz kesip ótkisi kelgender sáýirmen salystyrǵanda 2% kóp boldy. Zańdy ókili joq kámeletke tolmaǵandar sany da ótken aımen salystyrǵanda 20% ósti. AQSh shekara-keden qyzmeti mıgranttardyń 25% tutqyndap, deportatsııalady.

Maýsym aıynyń basynda birneshe myń mıgrant Meksıkadan Qurama Shtat shekarasyna bet alǵan. Olardyń basym bóligi Venesýeladan kelgen bolyp shyqty.