AQSh-tyń ońtústik shtattarynda merziminen buryn qar jaýyp qaldy
VAShINGTON. QazAqparat - 75 mıllıonnan astam adam turatyn AQSh-tyń ońtústik aımaǵynda qar jaýyp qaldy. Aýa temperatýrasynyń kúrt tómendeýi jergilikti turǵyndar úshin kútpegen jaǵdaı boldy, dep habarlaıdy QazAqparat tilshisi ABC News-ke silteme jasap.
Florıda shtatynyń Djeksonvıll qalasynda sársenbi kúni aýa temperatýrasy 5 gradýsqa deıin tómendep, sýyq jel 2,5 gradýsqa deıin túsirdi.
Sársenbi kúni tańerteń eldiń ońtústiginde ondaǵan rekord tirkeldi.
Tehas shtatynyń Ostın qalasynda temperatýra -3 gradýs tselsııge deıin tómendedi, Djeksonda (Mıssısıpı shtaty) -1 gradýsqa jetti, Soltústik Karolınadaǵy Sharlottada rekordtyq tómen -1 gradýs, Mıssýrı shtatynyń Kanzas-Sıtı qalasynda temperatýra -4 gradýsqa deıin tómendedi, al Aıova shtatynyń Sıdar-Rapıds qalasynda -9 gradýsqa deıin tústi.
Uly kólder aımaǵynda qalyń qar jaýyp, saldarynan áli japyraǵy túsip úlgermegen aǵashtardyń butaqtary elektr jelilerine basyp qalyp, myńdaǵan adam jaryqsyz qaldy.
Dúısenbi kúni soltústik Vıskonsın shtatynda 45 sm-ge deıin qar jaýdy. Mıchıgan túbegine shamamen 46 sm qar tústi.
Al Alıaskada Djýno, Sıtka, Ketchıkan, ıAkýtat, Heıns jáne Skagýeı qalalarynda kerisinshe qazan aıy tarıhta bolmaǵan ystyq aýa raıymen bastaldy.
