AQSh-tyń ońtústik shtattarynda aýa raıy kúrt sýytyp, turǵyndar jaryqsyz qaldy

ASTANA. QazAqparat - AQSh-tyń ońtústik shtattar turǵyndary úshin aıaq astynan qar jaýyp, aýa temperatýrasynyń kúrt tómendeýi kútpegen jaǵdaı boldy, dep habarlaıdy QazAqparat tilshisi ABC News-ke silteme jasap.

Florıda shtatynyń Djeksonvıll qalasynda sársenbi kúni aýa temperatýrasy 5 gradýsqa deıin tómendep, sýyq jel aýa temperatýrasyn 2,5 gradýsqa deıin túsirdi. Sársenbi kúni tańerteń eldiń ońtústiginde rekord tirkeldi. Tehas shtatynyń Ostın qalasynda temperatýra -3 gradýs tselsııge deıin tómendedi. Al Djeksonda (Mıssısıpı shtaty) -1 gradýsqa jetti, Soltústik Karolındegi Sharlottada rekordtyq tómen -1 gradýs, Mıssýrı shtatynyń Kanzas-Sıtı qalasynda temperatýra -4 gradýsqa deıin tómendedi, al Aıova shtatynyń Sıdar-Rapıds qalasynda -9 gradýsqa deıin tústi. Uly kólder aımaǵynda qalyń qar jaýyp, saldarynan áli japyraǵy túsip úlgermegen aǵashtardyń butaqtary elektr jelilerine túsip, myńdaǵan adamdar jaryqsyz qaldy.

Dúısenbi kúni soltústik Vıskonsın shtatynda 45 sm-ge deıin qar jaýdy. Mıchıgan túbegine shamamen 46 sm qar tústi. Al Alıaskada Djýno, Sıtka, Ketchıkan, ıAkýtat, Heıns jáne Skagýeı qalalarynda kerisinshe qazan aıy tarıhta bolmaǵan ystyq aýa raıymen bastaldy.

Foto: abcnews.go.com