AQSh-tyń ońtústiginde tornado bulqynysy basylmaı tur
ASTANA. 28 sáýir. QazAqparat - AQSh-tyń ońtústigindegi tabıǵat jaısyzdyǵynan sársenbiniń ózinde kem degende 72 adam qaıtys bolǵan, dep habarlaıdy Associated Press.
Tornadonyń joıqyn tolqyny AQSh-ty sársenbi kúni jalmaǵan bolatyn. Alabama ǵımarattaryn qıratyp ketken tornado AQSh-tyń ońtústigin súzip ótti. Sonyń saldarynan tórt shtat boıynsha kem degende 72 adam kóz jumǵan.
Basylymnyń habarlaýynsha, bir ǵana Alabamanyń ózinde 58 adam mert bolyp, 15-ke jýyǵy Taskalýsýda qaza tapqan. 11 adamnyń qaıtys bolǵany jóninde aqparat Mıssısıpıden jetse, Djordjııada eki, Tennesıde bir adam tornadonyń qurbanyna aınalǵan.
Alabama, Arkanzas pen Tennesı gýbernatorlary tótenshe jaǵdaı rejımin jarııalady. Meteorologtardyń málimdeýinshe, jeldiń kúshi keı aımaqtarda saǵatyna 160 km-ge deıin jetken, dep habarlaıdy RSN.
