AQSh-tyń ońtústiginde burshaq jaýyp, tornado júrip ótti
VAShINGTON. QazAqparat – Seısenbi kúni AQSh-tyń ońtústik aımaqtarynda joıqyn daýyl soǵyp, burshaq jaýdy. Qolaısyz aýa raıy toǵyz shtattyń 11 mıllıon turǵynyna qaýip tóndirdi, dep habarlaıdy QazAqparat CBS News arnasyna silteme jasap.
Ulttyq aýa raıy qyzmeti ońtústik shtattarda birneshe tornado soqqanyn habarlady.
Lýızıananyń soltústik-shyǵysy, Mıssısıpıdiń ortalyq bóligi jáne Alabamanyń ońtústik-batysyndaǵy turǵyndar kóbirek zardap shegedi dep kútilgen, biraq qıraǵan ǵımarattar týraly habar túsken joq.
Alabama shtatyndaǵy Maskl Shols, Djekson, Vıksbýrg, Starkvıll jáne Mıssısıpı shtatyndaǵy Merıdıan, Arkanzastyń ońtústik-shyǵysy jáne Tennessı qalalarynda qatty jel soǵyp, burshaq jaýdy.
Meteorologtardyń málimetinshe, aýa raıynyń kúrt buzylýyna jyly, ylǵaldy aýamen shyǵysqa qaraı jyljyp, dúrkin-dúrkin naızaǵaılarǵa yqpal etetin sýyq front sebep bolǵan.
Mıssısıpı tótenshe jaǵdaılardy basqarý agenttigi turǵyndarǵa elektr qýatynyń úzilýine daıyndalyp, jeke kólikpen qala syrtyna shyqpaǵan jón ekenin eskertti.
Vıdeodan alynǵan kadr cbsnews.com
