AQSh-tyń ońtústiginde bolǵan tornado úsh adamnyń ómirin qıdy

PERRITON. QazAqparat – Tehas shtatynyń soltústigindegi Perrıton qalasynan keshe keshke ótken tornado saldarynan úsh adam qaza taýyp, ondaǵan turǵyn jaraqat aldy, dep habarlaıdy QazAqparat CNN-ge silteme jasap.

Oklahomamen shekaraǵa jaqyn mańdaǵy Perrıton qalasynyń meri tornado úsh adamnyń ómirin qıǵanyn málimdedi, biraq ázirge naqty qurbandar sany belgisiz.

Tornado 8000 adam turatyn qaladaǵy munaralar men treıler saıabaǵyn qıratty. Ol keminde 30 treılerdi zaqymdady nemese qıratty.

Perrıton órt kúzeti basshysy Pol Datcherdiń sózinshe, 50-den 100 adamǵa deıin aýrýhanada jatyr.

Jergilikti Ochiltree General Hospital aýrýhanasy elektr energııasy jappaı sónip qalǵandyqtan, arnaıy generatorlarmen jumys istep jatyr.

Ulttyq aýa raıy qyzmeti tornado beısenbi kúni jergilikti ýaqytpen 17:00 shamasynda tóngenin habarlady.

Jergilikti BAQ-tyń habarlaýynsha, qalada birneshe tornada bolǵan bolýy múmkin. Jaısyz aýa raıy AQSh-tyń ońtústiktegi shtattarynda demalys kúnderi de saqtalady. Burshaq jaýyp, joıqyn jel turyp, tornadonyń qaıtalaný qaýpi bar.