AQSh-tyń Montana shtatynda Tik Tok-qa tyıym salyndy
Shtat gýbernatory Greg Djanforte tyıym salý týraly qujatqa qol qoıdy. Ol 1 qańtardan bastap kúshine enýi kerek.
Platforma tarapynan bul tyıym «AQSh Konstıtýtsııasynyń birinshi túzetýinde bekitilgen Montana turǵyndarynyń quqyqtaryn buzady» degen málimdeme jasaldy. TikTok málimdemesinde bul qosymshany Montanada «júzdegen myń adam qoldanatyny» aıtylǵan.
«Biz Montana shtatynyń turǵyndaryn TikTok qosymshasyn óz oıyn bildirý, tabys tabý úshin paıdalanýdy jalǵastyra alatynyna sendirgimiz keledi, óıtkeni biz Montana ishinde jáne odan tys jerlerde óz paıdalanýshylarymyzdyń quqyqtaryn qorǵaý úshin jumys isteýdi jalǵastyramyz», - delingen habarlamada.
TikTok Montana bıliginiń sheshimi boıynsha sotqa shaǵymdanýy múmkin.
Bir mıllıonnan astam halqy bar Montana ótken jyldyń jeltoqsan aıynda úkimettik qurylǵylarda platformany paıdalanýǵa tyıym saldy.
TikTok derekterdi Qytaı úkimetimen bólisýi múmkin degen alańdaýshylyqpen búkil álem bıliginiń synyna tústi.
TikTok qytaılyq ByteDance kompanııasyna tıesili. Onyń bas dırektory Shoý Zı Chý qyzmetkerleriniń olar týraly aqparat alý úshin jýrnalısterdiń TikTok akkaýnttaryn paıdalanǵanyn moıyndaǵanyna qaramastan, amerıkalyqtarǵa eshqashan tyńshylyq jasamaıtynyn birneshe ret aıtty.
Naýryz aıynyń basynda AQSh úkimeti ByteDance TikTok-ty satpasa, elde tyıym salynýy múmkin ekenin málimdegen bolatyn.
